Një debat i ashpër u zhvillua sot mes gazetarit Dritan Hila dhe shkrimtarit Agron Tufa.
Gjithçka nisi kur gazetari Dritan Hila mori në mbrojtje shkrimtaren Diana Çuli, e cila është vënë në shënjestër të sulmeve kohët e fundit nga Agron Tufa dhe vazhdoi me polemikën për ndalimin e filmave të periudhës së regjimit komunist.
Sot debati u thellua, pasi Agron Tufa e ka sulmuar sërish Dritan Hilën. “E duke qenë se në këtë “kopsht” (letrar) ai është thjesht një “barbar”, që hyn të dhunojë, më takon mua ta trajtoj, siç e meriton, dmth, si barbarin në Kopsht. Dikur, psh, në kohërat antike/postantike, barbarit dhunues i prisnin hundët, ndonjë copë vesh, e ndonjë rudiment tjetër etj, etj., por mos e dhashtë Zoti të veprojmë me të njëjtat metoda, siç vepronte gjatë diktaturës i ati i Dritanit”, thotë Tufa.
Sot ka reaguar edhe gazetarja e njohur Rudina Xhunga, bashkëshortja e Hilës. Gazetarja shkruan se pas kërcënimeve me jetë që ka bërë, nëse do ishim në një vend normal, Tufa do meritonte burgun.
Për të marrë lajmet e fundit të “Gazeta Shqiptare”, ndiq faqen tonë në Facebook.
